عشرة اخطاء يجب تجنبها عند التقديم في الضيافة الجوية
1 – انك تتأخر في الاوبن داي
عامل الوقت في الطيران اهم شيء والركروتر بتحط دة في الاعتبار لانك بيتم تقييمك من كل الجوانب وجودك في المعاد الانضباط مهم عند شركات الطيران الكبري
2 – المبالغة في المظهر البنت تحط مكياج اوفر وجيبة قصيرة زيادة عن اللزوم والبرفيوم شديد والشاب يزود في الچل في شعره ويلبس بدلة بتلمع مثلا .
3 – الاوراق المطلوبة تبقي ناقصة
الشركة مثلا بتطلب سيرة ذاتية تقوم عامل سيرة ذاتية مش كويسة وطالبين صورة للوجه وصورة طولية تقوم جايب صورة واحدة اي صورة في درج الكومودينو ولو طالبين اوراق تانية مش بتهتم انك تجيبها معاك.
4 – عدم الانتباه للتعليمات الموجهة اليك من قبل اللجنة وساعتها هيقولوا انك شخص تركيزك مش كويس والنقطة دي ممكن تخليهم يستبعدوك.
4 – لو الركروتر قالت حد عنده اي أسئلة وانت تسألها علي الراتب كام كدة انت بلاك ليست لان الشركة عاوزة حد فعلا بيحب مهنة الضيافة مش للعائد المادي من وراها.
5 – لما تسألك وترد او تردي عليها بعدم حماس وقلة ثقة في النفس وتبقي بتبلع ريقك وانت بترد عليها.
6 – لما تسألك انت عاوز تشتغل مضيف ليه وتسمع الاجابة الاعتيادية بتاعت نفسي الف العالم والكلام دة هي نفسها تسمع اجابة مميزة ومعلومات مميزة عن الشركة.
7 – الغرور لما تحس ان اللي ادامها مغرور وشايف نفسه دة بلاك ليست للابد لان الضيافة بتتطلب انك تبقي متواضع وتتعامل مع كل اللي حواليك بتواضع.
8 – لما تتسأل انت ليه عاوز تسيب شغلك وتتكلم بشكل سلبي علي الشركة اللي انت شغال فيها كدة هيتم استبعادك من الوظيفة.
9 – عدم معرفتك لاي معلومات عن الشركة اللي انت رابح تقدم فيها ساعتها هيتم استبعادك علي الفور.
10- انعزالك وبعدك عن بقية زملاءك المتقدمين للوظيفة وعدم تفاعلك معاهم دة هيخليهم يستبعدوك لان اهم حاجة في الضيافة ال Team work في Different Cultures فمن اولها مفيش Interaction مع اللي حواليك فبالتالي هيستبعدوك…
اهم حاجة يا جماعة نكون محضرين نفسنا و اوراقنا وصورنا وكل المطلوب قبل التقديم بفترة كافية وربنا يوفق الجميع
